कोपा अमेरिकाको फाइनलमा फेरि अर्जेन्टिना र चिली भिड्ने
Advertisement 
|
असार ९, २०७३- चिली कोपा अमेरिका सेन्टेनारियाको फाइनलमा प्रवेश गरेको छ । अब आगमी सोमबार बिहान हुने फाइनल खेलमा चिलीले अर्जेन्टिनासँग प्रतिस्पर्धा गर्ने छ ।
यसअघिको संस्करणमा पनि चिली र अर्जेन्टिना नै उपाधिको लागि भिडेका थिए । पेनाल्टी सुटआउटमा चिलीले अर्जेन्टिनालाई हराएको थियो ।
बिहीबार बिहान संयुक्त राज्य अमेरिकाको सिकागोस्थित सोल्जर फिल्डमा भएको सेमिफाइनल खेलमा चिलीले कोलम्बियालाई २-० ले हराउँदै फाइनल यात्रा तय गरेको हो ।
चिलीका लागि चार्ल्स एरान्गुइजले सातौं मिनेटमा गोल गरेर टिमको लागि खाता खोलेका थिए ।
यसैगरी ११ औं मिनेटमा जोसे पेड्रो फुइन्जालिडाले दोस्रो गोल गर्दै टिमको गोल अन्तरलाई दोब्बर बनाए ।
खराब मौसमका कारण लामो समयसम्म रोकिएको खेलमा दोस्रो हाफमा दुबै पक्षबाट गो हुन सकेन ।
खेलमा चार्ल्स म्यान अफ दि म्याच भए ।
0 comments
प्रतिक्रिया दिनुहोस्...